|
|
本周二新地發狂舉手投地，以史上第二高價奪得何文田地王，開心到爆的不是發展商而是代理，事關佢地餓了盤成兩個月，咁呢次咪機將呢次投地結果吹到天上有地下無，聰明的發展商成勢開盤出貨，因為佢地可能知道巿場食了呢粒偉哥，硬不了多久。
睇番啲睇樓，啲買家走番晒出番睇樓，根據利嘉閣地產研究部數據估算，全港50個指標屋苑共錄2,550 組客戶預約在周末睇樓，較上周末再升4.7%。
按地區分析，九龍區屋苑表現一支獨秀，周末兩日整體預約睇樓客量達1,150組，數字較上周末大增14.9%。
新界區屋苑預約睇樓客量則下跌1.1%，21個屋苑當中有9個睇樓量有所下跌，跌幅介乎9%至40%。不過，東涌區屋苑睇樓量卻見升幅，藍天海岸及映灣園睇樓量增加達33%。
港島區屋苑的預約睇樓客量較上周下調4.7%，表現失色。9個指標屋苑共錄得505組準買家在周末預約睇樓，當中只有3個屋苑錄得升幅。杏花邨周末睇樓量更下降11%。
細心睇睇呢啲數字，受惠的只有九龍區，新界區及港島區睇仍然下跌，咁個巿有幾好，大家心照啦。
|
|
|
