|
|
剛過去的一星期的焦點肯定是周二拍賣被喻為「鑽級」豪宅的山頂白加道屋地，該等於淡巿下以「天價」18.2億元由恒地副主席李家誠投得，每呎樓面地價高達68,228元，打破本港歷年來洋房賣地最高紀錄。相較4月份南區貝璐道6至16號地皮平均每方呎成交價6.17萬元，高出10%。
李家誠於拍賣後表示，投得該幅貴重豪宅地皮與上市公司無關，該地皮將拆卸重建，主要是家族自用，暫未決定投資金額，現階段計劃興建3 至4 間兩至三層的獨立屋。李家誠笑稱：「白加道環境清幽，好適合建立舒適居所，而屋企人住緊apartment，所以想轉吓環境住吓house」。而早前李家誠曾參觀恒基旗下天匯頂樓複式單位，被傳有意作為新居，而其父親李兆基則笑言：「個仔住唔起咁貴既樓」。
要得心頭好，富豪要用數十億元，但一般置業者係依家咁既巿況下，大家都好忍手，甚至睇樓興趣都大減，所以呢個周本日既睇樓持續下跌。事實上，樓市正處於中期調整，加上過去一周外圍政經不穩，準買家入市動力欠奉，就連預約睇樓亦提不起勁，指標屋苑長周末預約睇樓客量因此持續滑落。利嘉閣地產研究部估算，全港50個指標屋苑平均每日僅錄得1,055組客戶預約在未來三天長周末內睇樓，較上周末再跌1.6%，形成連跌五周的頹勢。
無心買樓，咁咪留番啲心情去睇波。
|
|
|
